去年聯合國人類住區規劃署發表年度報告，已指香港是全亞洲貧富懸殊最嚴重的城市，到了今年香港在已是從發展經濟體系中，躍升為全球第一，全球最嚴重的地方。特區政府對此不聞不問，而且毫不關心，可是這個世界第一，就算政府不想揭示出來，其他的傳媒一樣會來採訪，亦會傳到世界各地，作為特區政府一樣會蒙羞，要避也避不了。

CNN探籠屋嘲貧富懸殊

2009-10-30

【明報專訊】繼早前香港援交問題上咗CNN被網民指為香港之恥後，今次香港再次「揚威」嘅，輪到籠屋。話說早排報道香港援交情况嘅CNN女記者，最近去咗籠屋體驗一下天堂與地獄嘅分別，佢入到一個625呎、住咗19人嘅單位，一路向觀眾介紹，一路眉頭緊皺：「班人一齊喺度煮飯，因為無錢出街食，兩個廁所19個人用，用呢條水喉仔冲涼！」

嘆屋小人多捱貴租

呢間籠屋嘅住客有老有嫩，一個阿伯識英文，仲問：「你估我幾歲？」攝影師估69歲，但阿伯原來已經90歲。女記者又感傷，老人住咗大半世，連一班30幾歲後生嘅都入埋嚟住，「因為金融危機，好多人失業……籠屋好窄，熱到34℃……一間咁嘅嘢，19個人加埋月租竟然要2500美金（約19,500港元）！」

女記者去問香港政府，政府回覆話：「政府一向關心草根嘅住屋，佢哋自己揀住呢度，係因為租金平同方便。」好明顯女記者唔係好明，話：「當香港豪宅賣到黐晒線嘅時候，你好難相信呢個城市有人住咗係咁嘅籠屋好多年。

此報導當然會有其他電視媒體再引述，再以今日的互聯網資訊，相信有機會下就會看得到。

　　我不會單以一件事便指責政府，只是這麼多年，特區政府沒有一個長遠的政策，一步步收窄貧富懸殊的問題，董建華年代還成立一個扶貧委員會去找一些短期方案，到了曾蔭權的時候，就更欠奉，只提綜援了事，市民不會介意曾蔭權當特首是一份工去做，只會怪他連一份工也沒有做好～！對這些問題他完全用一種「漠視」的態度。

　　CNN這個報導，可說是在他是非纏身的時候，再打了他一巴掌～！！！